الشريط الاخباري

قصة من الواقع ..من المسؤول

تاريخ النشر : 2021-04-27

1838

مهندس صديق الي كان يشتغل بشركة محترمة راتبه ٢٨٠٠ طبعا راتبه الأساسي ٦٠٠ دينار والباقي حوافز وامتيازات المهم

قسط الشقة عنده ٥٠٠ دينار للبنك

قسط سيارته ٣٠٠ دينار

قسط الاولاد بالمدرسة ٣٠٠ دينار أيضا

وعنده ٢٠٠ دينار مصاريف نت فايبر وكهربا ومية واجار الحارس ومن هل القصص هاي

المهم قبل سنة الشركة طلبت منه عشان ما يتم فصله من العمل الرجوع لراتبه الأساسي وان يتم العمل عن بعد اون لاين مقابل ٦٠٠ فقط بالمختصر المفيد

البنك في صدد الحجز على الشقة

السيارة في صدد التعميم عليها

المدرسة راح ترفع قضية عليه بالعقود الي موقعها مع المدرسة الحارس حتى بطل يقله صباح الخير مش صباح الخير يا باشا هههههه

بالمختصر الشب في ظل الجائحة راح يكون عبارة عن شخص نصاب بنظر المجتمع

طبعا راح للبنك عشان يعمل تسوية ويخفف من قيمة القسط بلغه البنك معاملتك مرفوضة تقرير كرفت والمفتش البنكي انه انت شخص متعثر ماليا 😂😂

شو يعمل الاخ وهيك حال الأغلب من الشباب المنتجة في وطني

طبعا لا الشركة الها ذنب ولا الحكومة عليها ذنب وكل الحق على المهندس الي برمج حياته من ٨ سنوات على نمط معين ...... بدها صفنة

حتى احتمال يتم فصله من العمل لانه النت نفصل عنه مافي معه يدفع الاشتراك .....

حزين عليك يا وطني

والحكومه فقط تخفيف ساعة الحظر وزيادة ساعة الحظر

صديقي المهندس.... معك يا خالد ٥٠ دينار دين

لا حول ولا قوة الا بالله العلي العظيم

ورواتب الوزراء و النواب و الأعيان ورؤساء الهيئات كما هي بعين الله