سحاب: لا لرفع الاسعار

  نظمت حركة شباب سحاب للاصلاح مسيرة لا لغلاء الأسعار انطلقت من أمام مسجد سحاب الكبير وشارك بها المئات من أبناء سحاب.

وشهدت المسيرة لأول مرة مشاركة وجوه جديدة من غير الحراك الشعبي حيث خرجوا مرددين لهتافات منددة برفع الأسعار ومنددة بالفساد وبيع مقدرات الوطن وسؤ إدارة الدولة التي أوصلتنا لهذا الحال وردد المشاركون الهتافات التالية :

صف جنبي يا بن عمي... سرقوا بلدك شو مستني ... 
اهتف اهتف لا تحتار ... هذا شعبي كله أحرار
عهد الخوف ولى وراح... والفاسد لازم ينزاح 
نرجع ونكرر ونعيد ..... احنا أحرار مش عبيد 
ليش بترفع بالبنزين ... حاسب لي مجدي الياسين
خذ واسمع مني ردي ... روح حاسب الكردي 
والله سقط القناع ..... والفوسفات انسرق انباع ..
والله سقط القناع .... ومينا العقبة انسرق انباع 
والله سقط القناع ........ الغاز انسرق انباع ..
والله سقط القناع ......والأردن بده ينباع 
با للعار يا للعار .... حكومة بترفع أسعار ... 
طاق طاق طاقية ...... حكومة حرامية 
يا اربد حنا معاكي للموت ......... 
يا طفيلة يا الله يا الله علي الصوت 
مطالبنا شرعية ... بدنا حكومة برلمانية .... 
يا ديوان اسمعها زين ...... شعب واحد مش شعبين ...
شعب الأردن يا شجعان ...... جددوا هبة نيسان
مال الشعب راح وين !!!!! عاللبس والفساتين ... 
اسمع اسمع يا نظام !!!! ابن الأردن بالنظام 
شعب الأردن قلي مين .... من أنصار الملايين ... 
يا فايز طير طير ..... والأردن بدو تطهير 
ما رح نهدى ولا نرتاح ..... مطالبنا بالاصلاح ... 
يا لصوص الأراضي .اجى وقت السدادي 

نعاهد شعبنا الأبي على الاستمرار في حراكنا حتى نحرر وطننا من أيدي اللصوص والفاسدين ونعاهدهم على عدم السكوت أو الخنوع حتى نسترجع كل أموال الشعب المنهوبة مهما كانت مكانة اللصوص أو مرتبتهم أو ألقابهم .