الكرك : المئات يهزجون "هبت النار" .. هبت النار بدنا نعيد هبتنا ... بأيد الاحرار تتحرر بلدنا

   نفذت المئات من ابناء محافظة الكرك والحراك الشبابي والشعبي في المحافظة عقب صلاة ظهر الجمعة اعتصاما وسط المدينة في ميدان صلاح الدين الايوبي احياء لذكرى 'هبت نيسان' بالتوافق مع الحراكات الشبابية والشعبية في المملكة .


وعقب الوقفة الاحتجاجية انطلقت مسيرة احتجاجية نشدوا خلالها اهزوجة كركية وطنية  'هبت النار'.


تاليا نصها : 

هبت النار والبارود حنّا.....بدنا حرية وبدنا نعيد وطنا

هبت النار بدنا نعيد هبتنا ... بأيد الاحرار تتحرر بلدنا

هبت النار واسمع ساكن رغداني .. نفذ مطلبنا والا نعيد نيساني !!!

هبت النار من الكرك الطفيلة .....نطلب حرية وما نرضى بديله

هبت النار ما بدنا مكارم ......بدنا حقوقنا نرجعها من الظالم

هبت النار هبتنا وطنية .....احنا اردنية ما نرضى الدنيّه

هبت النار وفي عنا قضية ....بدنا اصلاحات ومطالب جذرية

هبت النار وبوصلتنا هي ..... فلسطين تبقى حرة وعربية

هبت النار بالرمثا وعمانِ ......حاسب الفاسد وارجع حق خواني

هبت النار يا اربد قودينا ....نحرر بلدنا ونرجع اراضينا

هبت النار بكل ارضك وطنا ...والشعب عاهد بنحرر وطنا

هبت النار واسمعني يا فاسد ....لبلاد بلادي وانا الك قاعد

هبت النار وحيولي السلطية ....كلهم نشامى وما يرضو الدنيه

هبت النار كرامة كرامة احنا الكركية مع كل النشامى ...بدنا بلدنا وبدِما نفديها 

وطالب المشاركون بالاصلاح السياسي والاقتصادي وحل مجلس النواب والمطالبة بتعديل الدستور ليكون الشعب مصدر السلطات و الغاء الأحكام العرفية.