أبوي الزود .....

هو أبوي الطويل والجميل صاحب الصوت المهاب ، والمتفرد بالقلب ( القوي الحساس ) وكل ما يدور حول ذلك القلب من ضعف ووهن ليس إلا حصاد لسنين تعودت مقارعة الكبار..الكبار .. أبوي وإن قعد ، لا زالت آثار أقدامه بالمكان كرسم فرعوني خالد إلى الأبد..

الله ..الله كم أنت رائع من يوم ما مرضت وقلبي ينقصه مسجد وواعظ ..

عشناك رجل .. شجرة من صبر ولين مغموس بروح من حنان ..حكيم بكل حركة وقول وتلميح ..مربي بصبغة مرشد ملاك ..كاظم على الغيظ..حليم .... وكأنك نبي يحمل أجمل الصفات ..

بعد أن غيب المرض ابتسامتك حتى طفلي في مهده اعتكف وثار.

يابوي.

يابوي ..مش طلع حيلي مرتبط بنبضك وكل ما ضعف قلبك بنهد ( حيلي ) .

يابوي مش طلع صوتي مرتبط بهمسك وكل ما سكت انخرس لساني.

يابوي مش طلع ظهري مستند على ظلك وكل ما نمت انحنى ظهري وأنا شبه ماشي .

يابوي شو فيك ..معقول مرض .. وأنا إلي كنت مفكر كل الدنيا ما بتقدر تمِسّك لا بعرض ولا بمرض .

يابوي ما تحكيلي زي ما بدك..أنا دائمآ بأمرك وبأمر كندرتك ( يالله قديش بحبك ).

يابوي مش طلعت دليلي وكل ما قعدت أنا تُهِت

يابوي مش طلعت أنت الحقيقة وكل شي طلع وهم .

يابوي حجبت عني كل قذر في الحياة حتى تمنيتها أبدًاومن يوم ما مرضت اكتشفت إنك النبي وكل ما بعدك بشر واتمنى أن يكون ما تبقى من عمري مزيدآ لنبض روحك .

قوم امشي يا حج كل الشوارع اشتاقت لك .. الصباح لم يعد مشرق والمساء لم يتبقى منه غير تأنيب الضمير ،حالك كما أن جلل بالمكان يسير .

يا حج..ليس عن طيفك أو حتى حلمك تتخلى القلوب فأنت رفيق الأرض ونديم السماء الذي لم يخذلهما يومآ .،و ساعتنا التي تعمر لتنبض ومثلك من يستحق الحياة ...